Saturday, September 10, 2011

බේබද්දාගේ කවිය නොහොත් "හීනයකට පාට දෙන්න"

පාට පාට මල් පිපුනු,
නෙක රැසින් එළිය වුනු,
දේදුනු පායන,
"සිහින ලෝකයක"
දෑස් පියාගෙන,
හිත් හෝදිසියෙන්,
සුවඳ සොයාගෙන,
ඇවිද යන්න ආසයි,
මට
ඔබ
එක්ක.

Friday, August 12, 2011

අමද‍‍‍යප

පුරා සඳ වත,
දෙස බලාගත් වනම,
සුරා සැල කවුන්ටරය ,
මතට වී.
මුදල් ගනිමින්,
බලා සිටියෙමි.........
දියාරු වූ,
මුග්දයන් දෙස.
වැනෙන- ගාටන,
වැටෙන -බඩගාන,
තලු මරන-කෙල හලන,
හකු අතර පොඩි වෙන,
අමු මස්
බලාසිටියෙමි...........
දුබල සිත් දෙස,
ඇසෙන සද,
ගන්ඨා නඳ.

Wednesday, August 10, 2011

පුවතක් (සිනා සිසී යන විට හිනැහී මල් හතයි)

අව්වට වැස්සට,
පෙර කල ගැනුනද,
හිසට සෙවන දී,
එදා...........
විච්චූරනයට,
කොමල පාන්නට,
සමර සරින් හද විල කලඹන්නට,
ලලිත ලතාවට,
කිට්ටුම හිතවතියයි,
ඇය.

Wednesday, August 3, 2011

ඉක්බිති

හෙට,
මල් නොපිපුනොත්,
නළ වියැකී ගියොත්,
දිය සසල නූනොත්,
සියොතුන් අවදි නූනොත්,
බිගුන් "ගුමු","ගුමු" නද නොදුන්නොත්,
අදුර සේදී නොගියහොත්,
හෙට ඉර නොපෑයූවොත්,
ඉක්බිති?

Friday, July 22, 2011

සැදෑ සක්මන

අඳුන් ගෑ,
නෙත්
පැහැය , රුව ,
වියැකී නො යත්දැයි?
සදෑ විය ඉගි බිගි පාද්දී.
නේක ස්වරයන්,
සුසර වූ,
රතැගිලි,
රැලි වැටී.
දෑත් රන් රසු සැලෙද්දී.
නේක සිතියම් රැගුම්
පෑ පා තඹර,
වෙව්ලා,
රසන්දම් නිහඩ වූ,
නිමේශයේ.
හුදෙකලා වූ,
ඈ...........
බිඳින,
වීණා තත්,
නරඹා සතුටු වන්නට,
"දනන්"
නැති රගහලේදී........

Sunday, July 17, 2011

මන්දහාසිනී

"සිසිරයේ"
උපත ලද,
ළඳ බොළඳ ළදැරිය.
"සරත් කල"
කෙළිදෙලින්,
කවටකම් කළ මිතුරිය.
"වසන්තය"
උදා වූ සඳ,
පෙමෙන් හද පුරාලූ පෙම්වතිය.
"ගිම්හානයේ"
එලබරව
සෙනෙහෙ දෙන මියුලැසිය.

Tuesday, July 12, 2011

හදිස්සිය

මල් සුවද පලා ගොස් ඇත,
වසන්තය මියැදෙන්නට,
පෙර.........
සොමි බැස ගොසින් අඹරේ,
රාත්‍රිය නිදි කිරන්නට,
පෙර...........
"නැගණිය"
ඔබ නික්මුණා ඉක්මන් වැඩිය,
මල් සමය අතවනන්නට,
පෙර.